لا تفتكر
لا تفتكر اني في يوم أنساك
لا والله أني أبدن ما نسيتك
أعايش الأيام في ظل ذكراك
وأتذكر الأيام لي فيها لقيتك
دوم اتمر ف بالي أطياف روياك
ودوم أخايل أطيافك فديتك
أسامر ليلي ونجومي والأفلاك
وأسامر شوق قلبن عطيتك
أقاسي همومي فبعد منحاك
وأقاسي دهر باعدنا وييتك
أضحك مع ربعي ومقدر أسلاك
وان اختليت بروحي بكيتك
ما تعرف البُعد للعشق فتاك ؟؟
والروح يا بعد روحي افتديتك
أهواك يالغالي وأهواك وأهواك
ولا حد ثاني فالبريا, هويتك
ساكن ف قلبي ولا حد يسواك
وحالي ومالي لك هديتك
تحسب نسيتك ومقدر أنساك
لا والله أني أبدن ما نسيتك
سوالم, سهيل
May 15th, 2006 @ 2:42 pm
صبحك الله بالنوووور
ياصباح الشعر في أحلى حلل..
إبداااع وربي إبداااع..
وااافيه من وااافي لا عدمته..
صح لسااانك وصح كل عرقٍ فيك يالذيب..
دمت ودام عزّك..
May 15th, 2006 @ 3:40 pm
السلام عليكم,
والله بالسرور والبلور أختي “صاحبة السمو” وما قصرتي على التعليق والمرور الأطيب لا خليت منه, وانتي الأوفى يا طويلة العمر وصح ابدنج ولا هنتي يا ربي, والسموحه على أي قصور ونقصان, وعزّج أبقى ودايم :)
سهيل
May 15th, 2006 @ 8:13 pm
كلمات روعة والأروع صدقها وشفافيتها…..يا بخت المقيولة فيه :)….
تسلم أخوي على ها الإبداع….
ونتريا المزيد من التميز….
May 16th, 2006 @ 9:08 am
السلام عليكم,
الأروع يا “نوف” تعليقج على القصيده ومرورج الطيب والكريم على الموقع, وأتمنى تكونين من زوار الموقع الدائمين باذن الله تعالى, والقادم أروع باذن الله تعالى
سهيل
August 15th, 2006 @ 4:57 pm
مساء الخير
تسلم اخوي سهيل
الله يعطيك العافيه
صح لساانك ياربي :)
August 15th, 2006 @ 11:14 pm
السلام عليكم,
أختي العزيزه “بنت الصيد” ما قصرتي على المرور الطيب والتعليق الأطيب وما قصرتي والله, وربي لا هانج وصح بدنج من كل عذروب
سهيل
December 17th, 2006 @ 7:34 pm
ماشاء الله عليك
ابدعت يا خوي
December 18th, 2006 @ 7:18 pm
السلام عليكم,
أختي العزيزه “العامريه” في البدايه أود أرحب بج في مدونتي المتواضعه آملاً أن تكون هذه الأولى لك وليست الأخيره ان شاء الله, وأتمنى أن تكون من زوار المدونه الدائمين
وأحب أشكرج جزيل الشكر على المرور الطيب والرد الأطيب ربي لا هانج ولا هان قدرج, وتسلمين وما قصرتي على تسجيل إعجابج بالقصيده
سهيل
November 30th, 2009 @ 2:50 pm
مشكوووووووووور
عجبتني واااااااااايد
May 18th, 2010 @ 3:04 pm
Casino 1274181872…
Casino 1274181872…
June 16th, 2010 @ 7:49 am
Casino 1276648125…
Casino 1276648125…