الكرامه
لي كرامه ولي حشمه ولي مقدار
ولي نفس ما ذاقت طعم المذله
ولي طاري ونعم عند العرب الأخيار
ولي ما يدل سهيل يا ناس أدله
فوق عند القمر والجدي لي دار
لا.. لا أبعد من نجوم الثريا محله
لأجلك وطيت الأرض أتبع لك آثار
ولأجلك رقيت جبال وسهول ضحله
ولأجلك تجرعت المر وأقول صبار
ولأجلك ذرفت الدمع يا خل من له
لي في العز شان والكرم لي جار
ولي في السما الحالك قمره اتوله
معذور يا خل لا ولا تقول لي أعذار
مقبول عذرك وعذرك في محله
لي كرامه ولي حشمه ولي مقدار
ولي نفس ما ذاقت طعم المذله
سهيل
June 18th, 2006 @ 9:24 pm
لي كرامه ولي حشمه ولي مقدار
ولي نفس ما ذاقت طعم المذله
يا حي البدو والله…..هذي الصفات الأصيلة الي الواحد يفتخر بها ويفتخر يوم عيال البلد يتجملون فيها….
تسلم على ها الإبداع المتكرر…..ودايما نتريا التميز منك مثل ما عودتنا….
June 18th, 2006 @ 9:49 pm
السلام عليكم,
وتسلمين على المرور الطيب والتعليق الأطيب منج يا بنت الأشراف, يعلج دوم سالمه وغانمه وما قصرتي
سهيل
June 19th, 2006 @ 1:08 pm
نظره فابتسامه فموعد فلقاء
وحيالله عيال البدو
واللي على راسه بطحا يحسس عليهاوصار المغازل عيني عينك
وبعدين نزلت فتوى ان القصيد حرام
والشعراء يتبعهم الغاوون
وشكرا يا عيال الاشرااااااااااااااااااااااااااااااااااااااااااااااااااااااااف
June 19th, 2006 @ 2:31 pm
السلام عليكم,
:) ههه أختي “الكتبية” الظاهر عليج ماخذه موقف حسّاس من الموضوع السابق, تسلمين على المرور الطيب والرد الأطيب وربي لا هانج, وان شاء الله تكونين من زوار الموقع الدائمين
سهيل
August 15th, 2006 @ 7:45 pm
مساء الخير
ربي يعطيك العافيه
صح لسانك لاهنت
دووم في قمه الابداع
وسمحلي:)
August 15th, 2006 @ 11:20 pm
السلام عليكم,
أختي العزيزه “بنت الصيد” ربي يعافيج من كل شر وضر ان شاء الله, وصح الله بدنج وربي لا هانج, وعسى دوم تعجب الجميع بعض نزف أحاسيسي بإذن الله تعالى
سهيل