السجّان والمجرم !
ألزمت نفسك بشي ما يلزم
وأنت تعرف اما بي وتدري بي
أحبك حب والحب بي مجرم
مره يدوخني ومره يصحي بي
مجروحك وانته دواي والمرهم
ثيبني قبل ما ينفع تطبيبي
عايش وكني عايشن ابحلم
مصيوب ويا مكثرها تصاويبي
جرحن سطا جنبي الأعسم
نزف بين الضلوع المعاطيبي
وجرحن تخلل في وريد الدم
ويسري حبه ومفقد صوابي
أواجه واقعيتي وأنصدم بعلم
أن غفيت عنه قام يصحابي
القلب من هواك صار متهمم
ومن زود ما بي معرف إما بي
ريت سجان يعشقه مجرم ؟؟
مثل ما بيني وبينك يا قليبي
سهيل
August 13th, 2006 @ 1:21 pm
ما شاء الله….شو ها الكلمات شو ها الإحساس :)
يعني معقولة فيه سجان يعشقه مجرم…لا معناته الشي الي بينهم واصل لي مستوى راقي وعالي بعد …
تسلم على ها الإبداع الخطير الصراحه :)
نتريا المزيد….
August 13th, 2006 @ 1:36 pm
السلام عليكم,
الزائره/ نوف, أشكرج جزيل الشكر على المرور الكريم والتعليق الأطيب ربي لا هانج, وتسلمين على هذي الكلمات الطيبه منج
السجّان والمجرم في الأخير هم من بني الانسان, ولهم شعورهم وأحاسيسهم, وفي الأخير تشبيه عن تضاد وتوافق في نفس الوقت, التضاد في المكانه والتوافق في الحب
سهيل
August 15th, 2006 @ 3:11 am
صباح الخير
مشاء الله عليك اخوي
تسلم … صح لسااانك … لاهنت
August 15th, 2006 @ 9:23 am
السلام عليكم,
صباح النور أختي العزيزه “بنت الصيد”, الله يسلمج يا ربي, وما قصرتي على الرد وصح بدنج لا هنتي ولا عدمناج
سهيل